នៅ​ខាង​លិច​ទី​ក្រុង​បាត់​ដំបង ចំងាយ​ប្រមាណ​ជា​១២ គីឡូ​ម៉ែត្រ មាន​ភ្នំ​ជា​ច្រើន​នៅ​ជិត​ៗ​គ្នា​។ ភ្នំ​ទាំង​នោះ​គឺ​ភ្នំ​សំពៅ ភ្នំ​ទ្រុង​មាន់ ទ្រុង​ទា និង​ភ្នំ​រំសាយ​សក់​ជា​ដើម​។​ រឿង​ព្រេង​និយាយ​ត​ៗ​គ្នា ប្រចាំ​ភ្នំ​នោះ​មាន​ដំណាល​ដូច​ត​ទៅ​នេះ​ កាល​ពី​ព្រេង​នាយ មាន​ព្រះ​មហា​ក្សត្រ​មួយ​ព្រះ​អង្គ​ព្រះ​នាម​រាជ​កុល​សោយ​រាជ្យ​នៅ​ប្រ​ទេស​កម្ពុជា​ តាំង​ព្រះ​រាជ​វាំង​នៅ​លើ​ជួរ​ភ្នំ​ដង​រែក​។ ព្រះ​បាទ​រាជ​កុល​ទ្រង់​សព្វ​ព្រះ​រាជ​ហ​រិ​ទ័យ នឹង​ស្រ្ដី​ម្នាក់​ឈ្មោះ​នាង​សុវណ្ណ​មសា នាង​នេះ​ជា​កូន​អ្នក​ក្រី​ក្រ​ទេ ប៉ុន្ដែ​មាន​រូប​ឆោម​សក្ដិ​សម​ល្អ​ឆើត​ នាង​ចិញ្ចឹម​ក្រ​ពើ​មួយ​ដ៏​មាន​រិទ្ធិ​ក្លា​ហាន​ឈ្លាស​វៃ​ណាស់ ទោះ​បី​ប្រើ​អោយ​ធ្វើ​អ្វី​ធ្វើ​បាន​ទាំង​អស់​។ ក្រពើ​នេះ​មាន​ខ្លួន​ធំ​លើស​​ប្រមាណ​ នាង​អោយ​ឈ្មោះ​អា​ធន តាម​ដំណាល​ថា មុន​ដំបូង​នាង​សុវណ្ណមសា​រើស​បាន​ពង​សត្វ​មួយ យក​មក​ទុក​មិន​ស្គាល់​ថា​ជា​ពង​សត្វ​អ្វី​ទេ​...[អានបន្ដ..]

នៅ​ឃុំ​ចុង​កាល ស្រុក​សំរោង​ចុង​កាល ខេត្ដ​សៀម​រាប មាន​ប្រាសាទ​បូរាណ​មួយ ប្រាសាទ​នោះ​មាន​ស្រះ​ពីរ​នៅ​ក្បែរ​ខាង តួ​ប្រាសាទ​តំកល់​ខ្ពស់​ប្រហែល ៥​ម៉ែត្រ​កន្លះ ទំហំ​ប្រាសាទ​ប្រហែល ១៥-១៦​ម៉ែត្រ​៤​ជ្រុង​ខាង​ក្នុង​ប្រាសាទ​មាន​ថ្ម​មួយ​ផែន​ដូច​ជា​បល្ល័ង្គ​។ ប្រាសាទ​នោះ​ហៅ​ថា «ប្រាសាទ​ព្រហ្ម​កិល​ នៅ​ខាង​ជើង​ស្ទឹង​មួយ​ចំ​ងាយ​ប្រហែល​១៥០​ម៉ែត្រ​។ ចំ​ប្រាសាទ​ថ្ម​ដែល​នៅ​ទៀប​មាត់​ស្ទឹង​នេះ ចាស់​បូរាណ​បាន​ចង​ចាំ​រឿង​ព្រេង​មួយ​ដូច​ត​ទៅ​៖​ មាន​ដំណាល​ថា កាល​នោះ​មាន​បុរស​អ្នក​ដើរ​រក​ផ្ដៅ​ម្នាក់ បាន​ដើរ​រក​ផ្ដៅ​ក្នុង​ព្រៃ ប្រទះ​ឃើញ​ដើម​រការ​ខ្មៅ​មួយ យក​មក​ធ្វើ​ជា​ដំបង​យ៉ាង​មាំ​ហើយ​ល្អ​អស្ចារ្យ សន្មត​ហៅ​ថា «ដំបង​គ្រញូង»​។​[អានបន្ដ..]

តាម​ផ្លូវ​ជាតិ​លេខ​៧ ពី​ភ្នំពេញ​ទៅកំពង់​ចាម យើង​​​ឃើញ​ភ្នំ​ពីរ​នៅ​ទន្ទឹម​គ្នា មួយ​ខាង​កើត​ខ្ពស់ មួយ​ខាង​លិច​ទាប​។ ភ្នំ​ខ្ពស់​ឈ្មោះ​ភ្នំ​ស្រី អែ​ទាប​ឈ្មោះ​ភ្នំ​ប្រុស។ រឿង​​ព្រេង​​ប្រចាំ​​ភ្នំ​នេះ​មាន​ដូច​ត​ទៅ​នេះ​៖ កាល​ពី​ព្រេង​មាន​ស្ដេច​ស្រី​មួយ​ព្រះ​អង្គ​ព្រះ​នាម «ស្រី​អយុធ្យា» សោយ​រាជ​នៅ​នគរ​ខ្មែរ​។ ដោយ​ព្រះ​នាង​ជា​ស្ដេច​សោយ​រាជ្យ​ គ្មាន​បុរស​ណា​មួយ​ហ៊ាន​ដណ្ដឹង​យក​ជា​ភរិយា​ឡើយ ម្លោះ​ហើយ​ព្រះ​នាង​រក​ដណ្ដឹង​ប្រុស​ដ៏​មាន​រូប​ជា​ទី​គាប់​ព្រះ​ទ័យ មក​ធ្វើ​ជា​ព្រះ​ស្វាមី​វិញ ហើយ​ដោយ​ហេតុ​ព្រះ​រាជិនី​ ស្រី​អយុធ្យា​ដណ្ដឹង​ប្រុស​ជា​ព្រះ​ស្វាមី​ដូច្នោះ​ ....​[អានបន្ដ..]

តាម​ផ្លូវ​ជាតិ​លេខ​៧ ពី​ក្រុង​ភ្នំ​ពេញ​ទៅ​ក្រុង​កំពង់​ចាម នៅ​ចំងាយ ៣​គ.ម ពី​ទី​ប្រជុំ​ជន​កំពង់​ចាម មាន​ផ្លូវ​លំ​មួយ​ចូល​ទៅ​ខាង​លិច​ប្រមាណ​ជា ៣០០​ម៉ែត្រ​ប៉ុណ្ណោះ​មាន​កំពែង​ថ្ម​បាយ​ក្រៀម​ប្រកប​ដោយ ក្លោង​ទ្វារ​បាក់​បែក​រុះ​ធ្លាក់​អស់​ជា​ ច្រើន​។ បរិ​វេណ​កំពែង​នេះ​អ្នក​ស្រុក​ហៅ​ថា «វត្ដ​នគរ​បាជ័យ​» រឺ​ហៅ​កាត់​ខ្លី​ថា «វត្ដ​នគរ» បើ​ចូល​តាម​ផ្លូវ​ពី​ខាង​កើត​ត្រង់​ទៅ​លិច​មិន​ឆ្ងាយ​ប៉ុន្មាន ក៏​បាន​ដល់​ទៅ​កំពែង​មួយ​ទៀត គឺ​មាន​រោង​ទង ត​ជាប់​ជុំ​វិញ​ និង​មាន​ក្លោង​ទ្វារ​ជា​៤ ទិស​។ ក្លោង​ទ្វារ​ និង​រោង​ទង​នោះ​នៅ​គង់​ត្រង់​ល្អ​នៅ​​ឡើយ​ដោយ​អន្លើ​ៗ ....​[អានបន្ដ..]

បើយើងធ្វើដំណើរចេញ​ពី​ក្រុង​ភ្នំ​ពេញ​ទៅ​តាម​ផ្លូវ​ជាតិ​លេខ​២ ចំងាយ ៣២​គ.ម ទៅ​ដល់​អូរ​រូង ក្នុង​ស្រុក​បាទី​ ខេត្ដ​តាកែវ​ បត់​ទៅ​ទិស​ខាង​លិច​ចំងាយ​២គ.ម ក្នុង​ឃុំ​ក្រាំង​ធ្នង់ ស្រុក និង ខេត្ដ​ដដែល នឹង​បាន​ឃើញ​ទន្លេ​បុរាណ​មួយ មាន​មណ្ឌល​រាង​ទ្រ​វែង​បណ្ដោយ​ថ្ងៃ មាន​ទឹក​ល្ហ​ល្ហាច​ ខួប​ប្រាំង​ ខួប​វស្សា​ ហៅ​ថា «ទន្លេ​បាទី» ក្បែរ​ឆ្នេរ​ខាង​នៃ​ទន្លេ​នោះ​មាន​ប្រាសាទ​ពីរ ហៅ​ប្រា​សាទ​តាព្រហ្ម​មួយ ប្រាសាទ​យាយ​ពៅ​មួយ។ រឿង​ព្រេង​ទាក់​ទង​ដើម​កំណើត​នៃ​ប្រាសាទ​នោះ មាន​ដំណាល​ដូច​ត​ទៅ​នេះ​ ៖.​[អានសេចក្ដីពិស្ដារបន្ដ..]

នៅ​ប្រទេស​កម្ពុជា​ទាំង​មូល ពុទ្ធសាសនិកជន​ជាតិ​ខ្មែរ​តែង​ធ្វើ​វត្ត ធ្វើ​វិហារ បែរ​មុខ​ឆ្ពោះ​ទៅ​ទិស​ខាង​កើត តាម​ទំលាប់​ដែល​គេ​និយម​ប្រកាន់​ទុក​តាំង​ពី​បុរាណ​កាល ប៉ុន្តែ​យើង​ឃើញ​មាន​វិហារ​មួយ​​បែរ​មុខ​ឆ្ពោះ​ទៅ​ទិស​ខាង​ជើង​ដែរ គឺ​វិហារ​អដ្ឋរស្ស នៅ​លើ​កំពូល​ភ្នំ​ព្រះ​រាជ​ទ្រព្យ នៅ​ស្រុក​ពញាឮ ខេត្ត​កណ្ដាល។ ការ​ប្លែក​នោះ​ហើយ ដែល​គួរ​អោយ​ចង់​ដឹង​ណាស់។ រឿង​វិហារ​នោះ មាន​សេចក្ដី​ដំណាល​ដូច​តទៅ​នេះ ៖.​[អានសេចក្ដីពិស្ដារបន្ដ..]

    ថ្ងៃអាទិត្យ ទី3.មករា 2016.ម៉ោង 9:38
ឱ! ស្រី ចិត្ត​នាង​អ្វី​ក៏​ប្រែ​ប្រួល​ឆាប់​ម្ល៉េះ​! ហា​! ហា​! ហា​! ទឹក​ចិត្ត​ស្រី​នឹក​ឃើញ​គួរ​អោយ​អស់​សំណើច​មែន​... ក្នុង​លោក​យើង​នេះ​ នរ​ណា​ទៅ​ជឿ​ចិត្ត​ស្រី​បាន ចិត្ត​ស្រី​រេ​ដូច​ចុង​ស្រល់​ត្រូវ​ខ្យល់​បោក​បក់​! អ្នក​ណា​ហ៊ាន​ជឿ​ចិត្ត​ស្រី អ្នក​នោះ​ត្រូវ​ស្លាប់... វាចារ​វើរ​វាយ​តែ​ម្នាក់​អែង​អស់​ចិត្ត​អស់​ចង់ ហើយ​លោក​គ្រូ​ពេទ្យ​ក៏​ចាក់​ស្រា​ផឹក​ត​ទៅ​ទៀត​។ ផឹក​អស់​មួយ​កែវ​ថែម​មួយ​កែវ​ ផឹក​ទាល់​តែ​ស្រវឹង​ដួល​ដេក​ក្បែរ​ជើង​គ្រែ​ក្នុងគ្រា​នោះ​។ ទុក្ខ​សោក​របស់​លោក​គ្រូ​ពេទ្យ​ ក៏​ដូច​ជា​ទុក្ខ​សោក​របស់​ចន​អែ​ដែរ​។ ចន​មាន​សេច​ក្ដី​កង្វល់​ជា​ខ្លាំង​ដោយ​មិន​អាច​រក​ផ្លូវ​ដោះ​ស្រាយ​វិថី​ជីវិត​ដ៏​អាប់​អួរ របស់​លោក​អ្នក​មាន​ឧបការគុណ​គេ​បាន​។ ចំណែក​កល្យាណ​មិន​បាច់​និយាយ​ឡើយ​ថា​នាង​ពិបាក​ចិត្ត​​... ....អានបន្ដ

គតិលោកភ គតិលោកភាគ៧ រឿងហង្ស និង អណ្ដើក ថ្ងៃសៅរ៍ ទី14.វិច្ឆិកា 2015.ម៉ោង 17:40

មាន​ហង្ស​មួយ​គូ តែង​នាំ​គ្នា​ទៅ​លេង​ទឹក​ស្រះ​១​ ជា​និរន្ដរ៍ បាន​យក​អណ្ដើក​មួយ​ជា​សំលាញ់​។ អែ​អណ្ដើក​នោះ តែ​ហង្ស​មក​លេង​ទឹក​កាល​ណា ក៏​វា​ចេញ​មក​និយាយ​ចរ​ចា​ប្រស័យ​ជា​មិត្ដ​នឹង​គ្នា លុះ​នៅ​យូរ​មក ស្រះ​នោះ​កើត​រីង​ខះ​គោក​អណ្ដើក​នឹង​នៅ​ពុំ​បាន ទើប​និយាយ​នឹង​ហង្ស​ថា សំ​លាញ់​អើយ​! ខ្ញុំ​អែង​ នឹង​នៅ​អាស្រ័យ​ក្នុង​ស្រះ​នេះ​ត​ទៅ​ទៀត​ពុំ​បាន​ឡើយ​ ព្រោះ​អិត​ទឹក​ដូច​សំលាញ់​ឃើញ​ស្រាប់​ហើយ​។ អែ​ហង្ស​ទាំង​គូ​ក៏​ថា បើ​ដូច្នេះ​មាន​តែ​យើង​នាំ​គ្នា​ទៅ​អាស្រ័យ​អែ​ម​ហា​បោក្ខ​ណី​នៅ​ខាង​ជើង​ព្រៃ​ហិ​មពាន្ដ​អែ​នោះ​វិញ​ចុះ ត្បិត​ស្រះ​នោះ​ជ្រៅ​ធំ​ទូលាយ​សប្បាយ​ ទាំង​ផលា....។ [អានបន្ដ..]

រឿង​កូរ​សមុទ្រ​ទឹកដោះ​ឆ្លាក់​នៅលើ​ជញ្ជាំង​ប្រាសាទអង្គរវត្ត​ មាន​បណ្តោយ​ ៤៩​ម៉ែត្រ និង​កម្ពស់​២​ម៉ែត្រ , ​ចម្លាក់​នោះ​មាន​រូប​ក្រុម​អ​សុរៈ ​​នៅ​ខាងឆ្វេង​ដៃ ​ចំនួន​ ៩២​អង្គ និង​រូប​ក្រុម​ទេវៈ​នៅ​ខាងស្តាំ​ដៃ ​ចំនួន​៨៨​អង្គ​។ ​នៅ​ខ្លោង​ទ្វារ​​ចូល​អង្គរ​ធំ បុរាណ​ខ្មែរ​យើង​ឆ្លាក់​រឿង​នេះ មាន​ធ្វើ​អសុរៈ និង ទេវតា ធ្វើ​មុខ​មាត់​សំបើម​ៗ ​សុទ្ធ​តែ​ប្រឹង រាង​ក្រអឺត​ៗ​ ទាញ​ព្រ័ត​នាគ​នៅ​គ្រប់​ទ្វារ​ចូល​អង្គរ​ធំ​។ កាល​នោះ អសុរៈ និង ទេវតា យក​នាគ វសុកិ ជា​ព្រ័ត្រ​យក​ភ្នំ​មន្ទរ​ជា​ស្នូល យក​អណ្តើក​អវតា​នៃ​ព្រះ​នរាយណ៍​ជា​អ្នក​ទ្រ​ភ្នំ​មន្ទរៈ ហើយ​បបួល​គ្នា​កូរ​សមុទ្រ​ទឹក​ដោះ​យក​ទឹក​អម្រិត​ ...។ [អានបន្ដ..]

   ដើម្បី​បញ្ជៀស​ឧប​ទ្រព​ចង្រៃ រោគា​ទុក្ខ​ភ័យ​ទាំង​ឡាយ ពុទ្ធ​សានិក​និមន្ដ​ព្រះ​សង្ឃ​ចំរើន​ព្រះ​បរិត្ដ ឬ​លើក​រាសី ចំរើន​សេរី​សួស្ដី​ជា​ដើម មិន​មែន​តែ​ក្នុង​ពិធី​បុណ្យ​ធំ​ៗ​ទេ សូម្បី​តែ​ក្នុង​ពិធី​រៀប​ការ ខួប​កំណើត​ជា​ដើម ក៏​ពុទ្ធ​សាស​និក​​និមន្ដ​ព្រះ​សង្ឃ​ចំរើន​ព្រះ​បរិត្ដ​ដែរ ពុទ្ធ​បរិ​សទ្ធ​ជឿ​ថា ទឹក​មន្ដ​មាន​រិទ្ធ​ខ្លាំង​ពូកែ ផ្ដល់​សិរី​សួស្ដី អាច​ជួយ​ធ្វើ​អោយ​ជា​ស្បះ​ស្បើយ​រោគា​បាន​បាន​ ទើប​យក​ទឹក​មន្ដ​មក​ផឹក មក​លុប​មុខ​លាង​ខ្លួន រហូត​ដល់​មាន​ការ​និមន្ដ​លោក​អោយ​ស្រោច​ទឹក សូត្រ​រំដោះ​គ្រោះ​លើក​រាសី​ទៀង​ផង​​។ ករណី​​ដែល​​ពុទ្ធ​​សាសនា​យល់​ព្រម​អោយ​មាន​ទឹក​មន្ដ​ ...។[អានបន្ដ..]

អំពី​អ្នក​ស្រុក : តាម​ទំលាប់​របស់​ពួក​មនុស្ស​ដែល​មិន​ទាន់​ ស៊ីវិល័យ ច្រើន​តែ​មាន​រូប​ឆោម​ខ្មៅ​គម្រីង​គម្រាំង មិន​និយម​ទៅ​នៅ​លើ​កោះ​ដែល​សម្បូណ៌​ដោយ​ទឹកទេ ចូល​ចិត្ត​តែ​នៅ​ក្នុង​ភូមិ​ឆ្ងាយ​ដាច់​ស្រយាល​ពី​គេ​។ ទំលាប់​បែប​នេះ​ជា​ការ​ពិត​ណាស់​។ ចំណែក​ស្ត្រី​ក្នុង​វាំង ឬ​ស្ត្រី​ក្នុង​ត្រកូល​ថ្កុំ​ថ្កើង​វិញ​មាន​សាច់​ស​ដូច​ចាន ព្រោះ​តែ​គេ​មិន​ងាយ​ប្រទះ​នឹង​កំដៅ​ថ្ងៃ​ឡើយ​។ តាម​ធម្មតា​ទាំង​ស្រី ទាំង​ប្រុស គ្មាន​ស្លៀក​ដណ្ដប់​អ្វី​ក្រៅ​ពី​សំពត់​មួយ​ផ្ទាំង​រុំព័ទ្ធ​ភ្ជាប់​នឹង​ ចង្កេះ​នោះ​ទេ​។ គេ​លែង​ខ្លួន​ទុក​ដើម​ទ្រូង​នៅ​កណ្ដាល​វាល​ ​ឯ​សក់​បួង ជើង​ទទេ គ្មាន​ស្បែក​ជើង​ឡើយ ទោះ​ជា​ស្ត្រី​មហេសី​ស្ដេច​ក៏​ដោយ... [អានបន្ដ..]

   រឿងចៅមាណពចិញ្ជឹមសុនខតឿ១ មាន​ចៅ​មាណព​ម្នាក់ ចិញ្ចឹម​សុន​ខ​តឿ​១ ជា​ទី​ប្រើ​ប្រាស់​ក្នុង​ការ​នាំ​យក​វត្ថុ​អ្វី​ៗ​ទៅ​បាន ថ្ងៃ​មួយ​ចៅ​មាណព​ទៅ​ព្រៃ​ដើម្បី​កាប់​ឈើ​រើ​ព្រៃ​ធ្វើ​ចំការ​ពោត​បាន​​ផ្ដាំ​ភរិយា​ថា ខ្លួន​ទៅ​ចាំ​ចំការ​មុន ចាំ​ដល់​ពេល​ថ្ងៃ​បន្ដិច​អោយ​យក​កញ្ចប់​បាយ​ចង​ក​ឆ្កែ អោយ​វា​នាំ​យក​ទៅ​អោយ​ខ្លួន​ជា​ក្រោយ​ ផ្ដាំ​ស្រេច​ហើយ ចៅ​​នោះ​​​ក៏​ទៅ​ចំការ​ឯ​ព្រៃ​ធ្វើ​ការ​តាម​ភាព​ខ្លួន​។ នាង​ភរិយា លុះ​ដល់​ពេល​ក៏​ចំអិន​អាហារ​បាន​ហើយ ទើប​រៀប​ចាត់​ចែង​វេច​ជា​បង្វេច​ ហើយ​ចង​នឹង​ក​ឆ្កែ​តឿ​ប្រាប់​ថា ចូរ​អា​នាំ​អាហារ​នេះ​ទៅ​អោយ​ម្ចាស់​អាឯ​​ចំការ​ឯណោះ​អោយ​ឆាប់ ឯ​ឆ្កែ​នោះ​ក៏​ទទួល​ពាក្យ​ហើយ​បោល​តំរង់​ទៅ​អែ​ចំការ លុះ​ទៅ​ដល់​អូរ​មាន​ទឹក​ខណ្ខ​នៅ ទឹក​នោះ​ជ្រៅ សុនខ​នឹង​លុយ​ឆ្លង​ទៅ​ពុំ​រួច ....។ [អានបន្ដ..]

   រឿងប្រពន្ធគ្រប់លក្ខ័ណ៍ និងប្រពន្ធកាឡកិណី : មាន​បុរស​ពីរ​នាក់ ម្នាក់​មាន​ប្រពន្ធ​ជា​ស្ដ្រី​កាឡ​កិណី​ ម្នាក់​​ទៀត​មាន​ប្រពន្ធ​ជា​ស្ដ្រី​ប្រកប​ដោយ​លក្ខណា​។ ជន​ទាំង​ពីរ​ត្រកូល​នោះ​យក​គ្នា​ជា​មិត្ដ​សំលាញ់ តែង​ទៅ​មក​រក​គ្នា​ជា​និច្ច​។ ថ្ងៃ​មួយ​ចៅ​បុរស​ប្រ​ពន្ធ​មាន​ល័ក្ខណ៍ ទៅ​បាន​គង​មង្គល​អំពី​សំណាក់​ទេវតា អោយ​យក​មក​វាយ​យក​មាស​ប្រាក់​កែវ​កង សំពត់​អាវ​គ្រឿង​ឧប​ភោគ​បរិ​ភោគ​សព្វ​ប្រការ អែ​ចៅ​​មាណព​ប្រពន្ធ​ខាត​ល័ក្ខណ៍​បាន​ដឹង​ថា សំលាញ់​អាត្មា​កើត​មាន​ទ្រព្យ​សម្បត្ដិ​ ដោយ​អំណាច​គង​មង្គល​ ហើយ​​ទើប​​ទៅ​កាន់​ផ្ទះ​សំលាញ់ ហើយ​សុំ​ខ្ចី​គង​មង្គល​នោះ​ទៅ​វាយ ដើម្បី​អោយ​កើត​មាស​ប្រាក់​កែវ​កង​ដូច​គេ​ ....។ [អានបន្ដ..]

ថ្ងៃសៅរ៍ ទី27.មិថុនា 2015.ម៉ោង 18:21
ក្នុង​កាល​ទេស​ដ៏​លំបាក​ ដែល​ខ្មែរ​យើង​ត្រូវ​ពង្រឹង​មន​សិការ​ជាតិ​អោយ​កាន់​តែ​បាន​រឹង​ប៉ឹង​ជា​អតិ​មរមា ដើម្បី​អាយុ​ជីវិត​ជាតិ​ ហើយ​ដែល​ខ្មែរ​យើង​កំពុង​លើក​ដំកើង​គំនិត​បដិ​វត្តន៍​ស្នេហា​ជាតិ​នោះ ក៏​គួរ​តែ​យើង​ចេះ​រួប​រួម​គ្នា រឺ​មួយ​ចេះ​ចែក​ផ្លូវ​គ្នា​ដើរ​តាម​លទ្ធិ​ប្រជា​ធិប​តេយ្យ​យ៉ាង​ច្បាស់​លាស់​មួយ ( La vraie démocratie est de savoir se diviser )។ បើ​ពុំ​ដូច្នោះ​ទេ ការ​បំផុស​មន​សិការ​ជាតិ​គ្រាន់​តែ​បណ្ដោយ​អោយ​ប្រវត្តិ​សាស្ត្រ​ថ្មី​សើច​ចំអក ដើម្បី​បង្កើត​ទណ្ឌ​កម្ម​ដល់​យើង​ថែម​ទៀត​ប៉ុណ្ណោះ​ទេ​។ ហើយ​គំនិត​របស់​លោក​អាចារ្យ​ហែម ចៀវ ដែល​ទើប​នឹង «រស់»​...។[..អានបន្ដ..]

អក្សរសិល្ប៍ខ្មែរ រឿងព្រាត់ស្នេហ៍នៅមណ្ឌគីរី     ថ្ងៃសុក្រ ទី8.ឧសភា 2015.ម៉ោង 20:54

ពេល​វេលា​បាន​កន្លង​ទៅ​អស់​រយះ​ជាង​មួយ​សប្តាហ៍​ហើយ។ នៅ​ជើង​ភ្នំ​យុក​ណាំ​លៀរ​រុក្ខា​នានា​ផ្លាស់​ស្លឹក ផ្លែ​ផ្កា ចោល​ក្លិន​ក្រ​អូប​ភាយ​ៗ តាម​ជំនោរ​ខ្យល់​ត្រ​ជាក់​។ អ្នក​រស់​នៅ​តាម​ព្រៃ​ភ្នំ ចាប់​ប្រកប​របរ​បាញ់​សត្វ ទាក់​ដំរី​។ ពួក​អ្នក​កសិ​កម្ម ដាំ​សណ្ដែក​ពោត​ល្ង ស្រូវ ស្កួយ។ លោក​មេ​កន្ទ្រាញ​មណ្ឌល​ ក៏​ចាប់​ប្រកប​ការ​ងារ​តាម​មុខ​ក្រសួង...​។ សូម​ព្រះ​ពុទ្ធ​ជា​ម្ចាស់ ទេព្តា​ទាំង​មួយ​ម៉ឺន​លោក​ធាតុ អារក្ស​ព្រៃ​ព្រឹក្ស សូម​ជួយ​ធ្វើ​ជា​សាក្សី​នៃ​នាង​ខ្ញុំ​ផង​។ នាង​ខ្ញុំ​សំលាប់​ខ្លួន​វេលា​នេះ គឺ​គោរព​តាម​ពាក្យ​សម្បថ​នៅ​វត្ត​កម្ពី កាល​នាង​ខ្ញុំ នឹង​សូផាន​ស្រលាញ់​គ្នា​ដំបូង​សច្ចា​ថា ​មិន​បែក​ចិត្ត​ចោល​គ្នា​ឡើយ​។ ឥលូវ​មាតា​បិតា​បាន​រៀប​ការ​នឹង​គូ​ថ្មី នាង​ខ្ញុំ​សុខ​ចិត្ត​ពី​ក្ស័យ​ប្រ​ល័យ​ជីវិត​តាម​ខ្សែ​ជល​សា​នេះ​ហើយ​។ សូម​ព្រះ​អង្គ​ជួយ​នាំ​ព្រលឹង​នាង​ខ្ញុំ​ទៅ​ចាប់...។

   តាម​ការ​សិក្សា​ក្នុង​ពុទ្ធ​ប្រវត្ដិ យើង​កត់​សំគាល់​ឃើញ​ថា សម្ដេច​ព្រះ​​បរម​​សាស្ដ្រា​ចារ្យ​របស់​យើង ទ្រង់​​ប្រសូត ត្រាស់​ដឹង និង បរិនិព្វាន សុទ្ធ​តែ​ក្នុង​​ថ្ងៃ​ពេញ​បូណ៌មី​ខែ​​ពិសាខ​ទាំង​អស់ ប្លែក​គ្នា​តែ​​ឆ្នាំ​ប៉ុណ្ណោះ​។ ដូច្នេះ​ហើយ ថ្ងៃ​ពេញ​បូណ​មី​ខែ​វិសាខ ជា​ថ្ងៃ​បូជា​ដ៏សំ​ខាន់​មួយ​ចំពោះ​បពុទ្ធ​សានិក​អ្នក​កាន់​ព្រះ​ពុទ្ធ​សាសនា ព្រោះ​ជា​ការ​បូជា​រំលឹក​ដល់​ថ្ងៃ​ដ៏អស្ចារ្យ​ទាំងបី របស់​ព្រះ​ពុទ្ធ​សម្ដេច​ព្រះបរម​គ្រូរបស់​យើង។ បុណ្យ​វិសាខ​បូជា គេ​​តែង​​នាំ​គ្នា​ប្រារព្ធ​ធ្វើ​ក្នុង​វេលា​រាត្រី ព្រោះ​ជាការ​បើក​ឱកាស​អោយ​ពុទ្ធ​បរិសទ្ធ​ប្រុស ស្រី​​បា​ន​​ជួប​ជុំ​​គ្នា​​ដ៏​ច្រើន​ សប្បាយ​​រីក​រាយ​ក្រោម​ពន្លឺ​ព្រះ​ចន្ទ​ពេញ​វង់​ផង ហើយ​និង​​បាន​អុជ​​គ្រឿង​​ប្រទីប​ជ្វាលា អោយ​ភ្លឺ​រន្ទាល​ច្រាល ហើយ​ម្យ៉ាង​ទៀត​ពេល​​យប់​ជា​​វេលា​​ទំនេរ មាន​ឱកាស​យ៉ាង​ល្អ​​ទៀត​ផង...។ [អានសេចក្ដីពិស្ដារបន្ដ..]

   ក្នុង​ឱកាស​បុណ្យ​ចូល​ឆ្នាំ​ថ្មី​ប្រ​ពៃ​ណី​ជាតិ ឆ្នាំ​មមែ​សប្ដ​ស័ក ពុទ្ធ​សក​រាជ ២៥៥៩ ចុល្លសករាជ ១៣៧៧ មហា​សក​រាជ ១៩៣៧ គ្រឹស្ដ​សក​រាជ ២០១៥​នេះ មណ្ឌល​វប្ប​ធម៌​ខ្មែរ​នៅ​ស្វីស សូម​គោរព​ជូន​ពរ បវរ​សេរី​សួស្ដី​មហា​ប្រសើរ ប្រគេន​ថ្វាយ និង​ជូន​ចំពោះ​ព្រះ​ថេ​រា​នុ​ថេរ លោក លោក​ស្រី​ និង ប្រជា​នុ​រាស្រ្ដ​គ្រប់​ជាន់​ថ្នាក់ គ្រប់​ទិស​ទី ក្នុង​ពិភព​លោក សូម​ទេវ​តា​ឆ្នាំ​ថ្មី ជួយ​គ្រប់​គ្រង​បី​បាច់​រក្សា សូម​អោយ​មាន​អាយុ​យឺន ផុត​ចាក​រោគា​ពេទ្យ​ទាំង​ឡាយ សូម​ប្រកប​ដោយ​សេច​ក្ដី​សុខ​ដុម​រម្យនា សូម​អោយ​មាន​ចិត្ដ​ជា​កុសល សន្ដោស​ត្រា​ប្រណី យោ​គ​យល់​គ្នា សាមគ្គី​រួម​សុខ​ទុក្ខ ជា​មហា​គ្រសារ​តែ​មួយ នៅ​លើ​ទឹក​ដី​មាតុ​ភូមិ​ជា​ទី​ស្នេហា​ សូម​អោយ​មាន​កំលាំង កាយ​និង​កំលាំង​ប្រាជ្ញា​បរិ​បូណ៌ សូម​មាន​សទ្ធា​ជ្រះ​ថ្លា​ក្នុង​ព្រះ​ ពុទ្ធ​សាសនា សូម​អោយ​មាន​យុត្ដិ​ធម៌ សុខ​សន្ដិ​ភាព​ជា​ជា​និច្ចត​រៀង​ទៅ​។ [អានសេចក្ដីពិស្ដារបន្ដ..]

[សារជូនពរលោកប្រធានត្រា ស៊ីន ប្រធានមណ្ឌលវប្បធម៌ខ្មែរនៅស្វីស]

អក្សរសិល្ប៍ខ្មែរ រឿងទូកមួយ ថ្ងៃសុក្រ ទី6.មិនា 2015.ម៉ោង 21:14

   រឿង «ទូកមួយ» អ្នកនិពន្ធ កៅ សីហា បាន​លាតត្រដាង ពីជីវិត​គ្រួសារ​ដ៏​ក្រីក្រ​មួយ ដែល​រស់​រកស៊ី​ចិញ្ចឹម​ជីវិត ដោយ​មាន​ទូក​មួយ ជា​ផ្ទះ​រស់​នៅ​ផង ជា​ឧប​ករណ៍​គ្រឿង​ប្រដាប់ សំរាប់​ប្រកប​របរ​ចិញ្ចឹម​ជីវិត​ផង។ អ្នក​និពន្ធ​បាន​សរសេរបង្ហាញ​ពី​ជីវិត​គ្រួសារ​ធម្មតាៗ​​​មួយ​ពិត​មែន តែបើ​យើង​ធ្វើ​ការ​សិក្សា ពិចារណា​អត្ថបទ​សាច់​រឿង «ទូកមួយ» ឲ្យដល់​ជម្រៅ ឆ្លង​ផុត​ពី​អក្សរ​ពាក្យ​ពេចន៍​ ដែល​យើង​មើល​ឃើញ នឹងភ្នែក ស្ដាប់​ឮ​សូរ​នឹង​ត្រចៀក នោះ​យើង​អាច​កត់​សំគាល់​ឃើញ​អត្ថរស​សំខាន់​ៗ ដែល​​យើង​អាច​ទុក​ជា​គតិ​ដាស់​តឿន​ស្មា​រតី​អោយ​យើង​គ្រប់​គ្នា​ធ្វើ​ការ​ប្រុង​ប្រយ័ត្ន​គ្រប់​ពេល​វេលា ចំពោះ​ បញ្ហា​មេ​ដឹក បញ្ហា​សាមគ្គី​ភាព បញ្ហា​បរ​ទេស​ជា​ដើម​ ...។ [អានបន្ដ..]

   ការ​រស់​នៅ​របស់​អាណា​ចក្រ​ប្រ​ជា​នុ​រាស្រ្ដ ក្នុង​គ្រា​ស្រុក​មាន​សន្ដិ​ភាព និង ក្នុង​គ្រា​ស្រុក​មាន​ចំបាំង​រាំង​ជល់ ឃើញ​ថា​មាន​លក្ខណៈ​ខុស​ប្លែក​គ្នា​ឆ្ងាយ​ណាស់​។ ក្នុង​​ករណី​ស្រុក​កើត​ចំបាំង ទោះ​ជា​ចំបាំង​គ្នា​អែង​ក្ដី ចំបាំង​ការ​ពារ​ជាតិ​ក្ដី អាណា​ប្រជា​នុ​រាស្រ្ដ​ត្រូវ​ជួប​ប្រទះ​នឹង​ទុក្ខ​វេទនា​យ៉ាង​ខ្លាំង ព្រោះ​ក្រៅ​ពី​ការ​តព្វ​កិច្ច​ទាំង​ប៉ុន្មាន​ដែល​ត្រូវ​បំពេញ​ខាង​លើ រាស្រ្ដ​ត្រូវ​ប្រមូល​ទ្រព្យ​សម្បត្ដិ ស្បៀង​អាហារ​ផ្គត់​ផ្គង់​អោយ​កង​ទ័ព​ថែម​ទៀត​។ ពិសេស​ទៅ​ទៀត​ក្នុង​ចំបាំង​សម័យ​ណា​ក៏​ដូច​សម័យ​ណា​ដែរ អាណា​ប្រជា​នុរាស្រ្ដ​រមែង​តែង​តែ​ស្លាប់​ដោយ​ខ្មាំង​សត្រូវ​ប្រហារ​ផង ដោយ​ជំងឺ​តំកាត់​ផ្សេងៗ​ផង​។ ឆ្លៀត​អោកាស​ដែល​មាន​ការ​វឹក​វរ​ដូច្នោះ ចោរ​ខ្មួញ​តែង​តែ​កំរើក​ថ្លើម​ធំ ប្លន់​កាប់​ចាក់​នៅ​គ្រប់​ស្រុក​គ្រប់​ដំបន់​។...[អានបន្ដ..]

ទ្រឹស្ដី​ពង្រីក​ទឹក​ដី​និយម ឬ​ទ្រឹស្ដី​ជាតិ​និយម ត្រូវ​បាន​បំផុស​បំផុល​ឡើង​ដោយ​ជន​ជាតិ​សៀម​ម្នាក់​ឈ្មោះ ហ្លួង​ពល​ត្រី វិចិត្រ​វាទ​កាន​។ ហ្លួង​ពល​ត្រី វិចិត្រ​វាទ​កាន កើត​នៅ​ព.ស. ២៤៤១ នៅ​ខេត្ដឧទ័យ​ធានី។ ហ្លួង​វិចិត្រ​វាទ​កាន​ជា​មនុស្ស​ពូ​កែ​ឆ្លាត​វាង​វ័យ​ជាង​​មនុស្សនានា លោក​ជា​ជន​ទី​១ នៅ​ក្នុង​ប្រ​ទេស​សៀម ដែល​មាន​អាយុ ត្រឹម​១៩​ឆ្នាំប៉ុណ្ណោះ បាន​ប្រ​លង​ជាប់​បរិញ្ញា ៥​ប្រ​យោគ​​ ហើយ​អាយុ ៣៦​ឆ្នាំ​ គឺ​នៅ​ឆ្នាំ ព.ស. ២៤៧៧ គ.ស ១៩៣២ បាន​ឡើង​កាន់​ដំណែង​រដ្ឋ​មន្រ្ដី​ក្រសួង​ការ​បរ​ទេស​។ ក្រោយ​ពី «រដ្ឋ​ប្រហារ» ឆ្នាំ ១៩៣២ ហ្លួង​វិចិត្រ​វាទ​កាន​បាន​ចូល​កាន់​តំណែង​ជា នាយក​ក្រសួង វិចិត្រ​សិល្បៈ (Directeur du Dépatement des Beaux- Arts)​ ហើយ​លោក​ក៏​ជា​អ្នក​សារ​ព៌ត​មាន​ដ៏​ឆ្នើម​ម្នាក់​ទៀត​ផង​។ តាម​​រយៈ​​សិល្បៈ មាន​បទ​​ភ្លេង​ចំរៀង រឿង​​ល្ខោន​ជា​ដើម...[អានបន្ដ..]

ក្រោយ​សម័យ​អង្គរ​ស្ដេច​​ខ្មែរ​​មាន​ការ​បាក់​បែក​គ្នា​យ៉ាង​ខ្លាំង សង្គ្រាម​ដណ្ដើម​រាជ​បល្លង្គ​​រវាង​ព្រះ​មហាក្សត្រ​ខ្មែរ បាន​ផ្ទុះ​ឡើង​ឥត​ឈប់​ឈរ សត្រូវ​បរ​ទេស​ជិត​ខាង ឆ្លៀត​ឱកាស​ក្នុង​ពេល​ខ្មែរ​បែក​បាក់​គ្នា​នេះ ចូល​ជ្រៀត​ជ្រែក​នយោ​បាយ​ផ្ទៃ​ក្នុង​កម្ពុជា​ ទឹក​ដី​កម្ពុជា ត្រូវ​បាត់​បង់​បន្ដិច​ម្ដង​ៗ​ រហូត​រួច​រៀវ​នៅ​តូច​ដូច​សព្វ​ថ្ងៃ​នេះ​។ ​ទឹក​ដី​ខែ្មរ​នៅ​កម្ពុ​ជា​ក្រោម បាន​របេះ​របូត​ធ្លាក់​ទៅ​ក្នុង​ដៃ​របស់​ជន​ជាតិ​យៀក​ណាម ម្តង​ម្តុំ​ៗ ជា​ច្រើន​លើក​ច្រើន​សា​ក្នុង​ប្រ​វត្តិ​សាស្រ្ត ចាប់​តាំង​ពី​សត​វត្សរ៍​​ទី​១៧ រៀង​មក រហូត​ដល់​បាត់​បង់​កម្ពុជា​ក្រោម​ទាំង​មូល​នេះ នៅ​ពាក់​កណ្តាល​សត​វត្សរ៍​ទី​២០​ថ្មី​ៗ​នេះ​។ លោក​សាស្រ្តា​ចារ្យ​កេង​ វ៉ាន់​សាក់ សូម​រៀប​រាប់​ជូន​ស្តាប់​ ពី​ដំណើរ​ដើម​ទង​នៃ​ការ​បាត់​បង់​ដែន​ដី​ខែ្មរ​ក្នុង​តំបន់​ដី​សណ្ត ទនេ្ល​មេ​កុង តាម​រយៈ​ការ​សាក​សួរ​របស់​លោក​កឹម សុស ដូច​ត​ទៅ...[អានបន្ដ..]

ព្រះពុទ្ធរូប​នាគ​ប្រក់ ជា​ព្រះពុទ្ធរូប​មួយ​អង្គ ដែល​មាន​តេជ​រស្មីចេញ​ពី​ក្បាល​​ពញានាគ៧ ត្រូវ​បាន​រចនា​កសាង​ឡើង​ ក្នុង​សតវត្ស​ទី​១២ នៃ​រជ្ជកាល​ព្រះ​បាទ​ជ័យ​វរ្ម័ន​ទី​៧ ទុក​ជា​ទី​សក្ការៈ​ គោរព​បូជា​ ជា​វត្ថុ​ស័ក្ដិ​សិទ្ធ​​ដ៏​ខ្លាំង​ពូកែ​អស្ចារ្យ ព្រោះ​ពេល​នោះ​អា​ណា​ចក្រ​ខ្មែរ​បាន​ប្ដូរ​ពិធី​​គោរព​បូជា​ទេវ​រាជ​ មក​​ធ្វើ​ពិធី​គោរព​ពុទ្ធ​សាសនា​វិញ​​។ លទ្ធិ​ព្រហ្មញ្ញ​សាសនា​ដែល​បាន​ចូល​មក​ចាក់​រិស យ៉ាង​ជ្រៅ​ក្នុង​ផ្នត់​គំ​និត​របស់ប្រ​ជា​ពល​រដ្ឋ​ខ្មែរ​ តាំង​ពី​សម័យ​នគរ​ភ្នំ​រហូត​ដល់​ចុង​សម័យ​មហា​ន​គរ​ដ៏​រុង​រឿង​ ហើយ​ទំនាស់​រឿង​សាសនា បាន​ធ្វើ​អោយ​ប្រ​ជា​ពល​រដ្ឋ​ខ្មែរ ព្រះ​ម​ហាក្សត្រ​ខ្មែរ ធ្វើ​ការ​​កាប់​សំលាប់​គ្នា​បាក់​បែក​សាមគ្គី​គ្នា​យ៉ាង​ខ្លាំង​។ ដើម្បី​ធ្វើ​ការ​​បង្រួប​បង្រួម​ជាតិ​ អោយ​មាន​ឯក​ភាព​គ្នា​ឡើង​វិញ​ ព្រះ​បាទ​ជ័យ​វរ្ម័ន​ទី​៧ ដែល​ជា​ក្សត្រ​មួយ​អង្គ ដ៏​អង់​អាច​អស្ចារ្យ ព្រះ​អង្គ​មាន​គោ​បំណង​...[អានបន្ដ..]

នៅ​ក្នុង​ចំណោម​មន្រ្ដី​ទាំង​អំបាល​នោះ គង់​មាន​ខ្លះ​នឹក​ឃើញ​ផ្លូវ​ត្រូវ​ដែរ។ ឱ! មុខ​គួរ​ឲ្យ​ស្ដាយ​ក្រោយ​ពន់​ពេក​ណាស់​ប្រជា​រាស្រ្ដ​ខ្មែរ ទូ​ទាំង​ប្រទេស​សុទ្ធ​សឹង​ជា​ពុទ្ធ​សាស​និក​ជន​ប្រកប​ដោយ​សន្ដាន​ ចិត្ត​ស្លូត​បូត​ក​​សាង​កុសល​ផល​បុណ្យ​ ព្រោះ​ចង់​បាន​ សេច​ក្ដី​សុខ​ចំរើនគ្រប់​ៗ​ជាតិ តែ​អកុ​សល​ត្រង់​ផ្ញើ​វាសនា​របស់​ខ្លួន នឹង​រាជ​បល្លង្ក​ជា​ខែល​បិទ​បាំង រឿង​រ៉ាវ​ពុក​រលួយ ដែ​ល​មុនស្ស​ឈ្មោះ​​ថា​ស្ដេច​ប្រ​ព្រឹត្ត​ប្រាស​ចាក​គន្លង​ធម៌​។ តើ​នរ​ណា​ហ៊ាន​ហា​មាត់​ទំលាយ​អាថ៌​កំ​បាំង​ក្នុង​វាំង​? មួយ​ថ្ងៃ​ៗ ហ្លួង​រវល់​តែ​សោយ​អា​ភៀន​ញៀន​អភ័ព្វ​ស្រវា​ឱប​ក្រ​សោប​យក​ទ្រព្យ​ បាន​មកពី​ញើស​ឈាម​រាស្រ្ដ​សា​មញ្ញ​ដើម្បី​បំប៉ន​ ការ​សប្បាយ​មាន​ស្រី​ស្រា និង​ល្បែង​ពាលា ដោយ​គ្មាន​នឹក​នា​បញ្ហា​ទឹក​ដី​បុរី​នគរ​...[អានបន្ដ..]

   សិង្ហតោ ចចក ស្វាន ឆ្កែព្រៃ បាន​បបួល​គ្នា​រក​ស៊ី​ចូល​គ្នា សិង្ហ​តោ​ត្រូវ​បាន​បោះ​ឆ្នោត​តែង​តាំង​អោយ​ធ្វើ​ជា​ប្រធាន ហើយ​ជា​អ្នក​នៅ​ចាំ​ទី សត្វ​ទាំង​បី​ឯ​ទៀត ជា​អ្នក​នាំ​គ្នា​ទៅ​ដេញ​គៀង​សត្វ ហើយ​​បាន​ដេញ​គៀង​មេ​ក្ដាន់​មួយ​ចូល​មក​ដល់​ទី​ដែល​សិង្ហ​តោ​រង់​ចាំ សិង្ហ​តោ​ក៏​ចាប់​បាន​មេ​ក្ដាន់​នោះ សំលាប់​ ហើយ​បែង​ចែក​ជា​បួន​ចំណែក។ ការ​ចែក​នោះ សិង្ហ​តោ​បាន​សួរ​សំនួរ ៣​ប្រការ​ទៅ​សត្វ​ទាំង​បី​ថា ១​តើ​នរ​ណា​ស្ដេច​សត្វ ២​តើ​នរ​ណា​មាន​ឈ្មោះជា​សិង្ហ ៣​តើនរ​ណា​មាន​សក្តា​នុពល​អំណាច​ធំ​ជាង​គេ​ ចំលើយ​នីមួយ​ៗ​ធ្លាក់​ទៅ​លើ​​សត្វ​សិង្ហ​តោ ហើយ​ត្រូវ​បាន​ចំណែក​មួយៗ​ផង​ដែរ ចំណែក​ទាំង​បី​ត្រូវ​បាន​ទៅ​សត្វ​តោ​ទៅ​ហើយ តែ​តោ​នៅ​តែស្កប់​ ​លោភ​លន់​ពន់​ប្រមាណ​ ចំណែក​ទី​៤ ​ដែល​ត្រូវ​បាន​ទៅ​សត្វ​ទាំង​បី​ជា​មិត្ដ​ចូល​ហ៊ុន សិង្ហ​តោ​ទាញ​យក​មក​​ដាក់​ក្នុង​ក្រ​ញ៉ាំ​ជើង​របស់​ខ្លួន គ្មាន​សត្វ​ណា​មួយ​ហ៊ាន​ចូល​ទៅ​យក​ឡើយ​។ [អានបន្ដ..]

អក្សរសិល្ប៍ខ្មែរ រឿងពេលដែលកន្លងទៅ ថ្ងៃសុក្រ ទី8.សីហា 2014.ម៉ោង 23:19

   មែន​ហើយ វា​ពិត​ជា​ពីរោះ​ជក់​ចិត្ត​ពិត​មែន រឿង «ពេល​ដែល​កន្លង​ទៅ» ដែល​អ្នក​និពន្ធ​លើក​មក​សរសេរ​នៅ​ទី​នេះ គឺ​លាត​ត្រដាង​ពី​ស្នេហា ​យុវនារី​ម្នាក់ ដែល​ប្រកាន់ខ្ចាប់​នូវ​ទំនៀម​ទម្លាប់​ដ៏​តឹង​រឹង និង អៀន​ខ្មាស​ដែល​ចរិត​លក្ខណ​របស់នារីខ្មែរ​យ៉ាង​ពិត​ប្រា​កដ​។ នារី​ខ្មែរ ដែល​តែង​តែ​អៀន​ខ្មាស​គេច​មុខ ពួន​ចំពោះ​​បុរស​ដែល​ស្រលាញ់​ខ្លួន ឬ​ចូល​មក​ស្ដី​ដណ្ដឹង​ខ្លួន មិន​អោយ​​​ឃើញ​មុខ​​បាន​ឡើយ​​។ ទោះ​ជា​យ៉ាង​នេះ​ក្ដី ក៏​នៅ​ទី​បំផុត​ នាង​បាន​សារភាពស្នេហ៍ ខ្សឹប​នៅ​ក្នុង​ដួង​ចិត្ដ​ដោយ​សំងាត់​ប្រាប់​ខ្លួន​ឯង​ថា «ចា៎ស! ខ្ញុំ​ក៏​ស្រលាញ់​បង​នរៈ​ដែរ» ជា​សេចក្ដី​ស្នេហា​មួយ ដែល​បេះដូង​នារី​ម្នាក់ ហាក់​បែក​ធ្លុះ​ធ្លាយក្រៀម​ស្វិត ​ស្រពោន ​ស្លាប់​ទៅ​ព្រម​ជា​មួយ​បុរស​ម្នាក់ ដែល​តាមស្រលាញ់​នាង ហើយ​ដែល​ត្រូវ​កាត់ ខណ្ឌ័្ធ​ដាច់​ដោយ​ ភព​បី​ផ្សេង​គ្នា ...។ [អានបន្ដ..]

អក្សរសិល្ប៍ខ្មែរ ច្បាប់ផ្សេងៗ ថ្ងៃសៅរ៍ ទី2.សីហា 2014.ម៉ោង 19:24

   អ្នក​និយម​ធម្មា​ធិប​តេយ្យ គេ​ធ្វើ​បុណ្យ​អ្វី រឺ​ធ្វើ​ទង្វើ​ល្អ​ទាំង​ឡាយ ចង់​អ្នក​ណា​ដឹង​ក្ដី មិន​ដឹង​ក្ដី ឃើញ​ក្ដី​មិន​ឃើញ​ក្ដី ផ្សាយ​​ឈ្មោះ​​ក្ដី​មិន​ផ្សាយ​ឈ្មោះ​​ក្ដី​ អោយ​ពរ​ក្ដី​មិន​អោយ​​ក្ដី​ ទទួល​អំណរ​គុណ​ក្ដី មិន​ទទួល​ក្ដី​៘ គេ​គ្មាន​ខ្ចី​រវល់​ទេ ព្រោះ​គេ​បុណ្យ​ដើម្បី​បុណ្យ គឺ​ធ្វើ​អោយ​​ចិត្ដ​គេ​ស្អាត​បរិ​សុទ្ធ​។​ គេ​គ្មាន​ចង់​ធ្វើ​ទេព​ឥន្ទ្រ​ព្រហ្ម​ស្ដេច​អា​មាត្យ​មន្ដ្រី​សេដ្ឋី​កុដុម្ពី​អ្វី​ទេ​។ ​បំណង​របស់​គេ​ គឺ​ចង់​ធ្វើ​អោយ​មនុស្ស​ស្អាត​បរិ​សុទ្ធ​ត្រឹម​​ត្រូវ​ ជា​មនុស្ស​គ្មាន​អំពើ​ពុក​រលួយ​ មាន​តែ​ទំវើ​​យុត្ដិ​ធម៌។​ ​ខ្ពស់​ជាង​នេះ គឺ​ចង់​អោយ​ធម្មា​ធិប​តេយ្យ​បាន​ឋិត​នៅ​ជា​មូល​ដ្ឋាន​នៃ​ប្រ​ជា​ធិប​តេយ្យ​ ដើម្បី​​ប្រ​ជា​ធិប​តេយ្យ​មាន​លក្ខណ​ជា​ប្រ​ជា​ធិប​តេយ្យ​ពេញ​ទី គឺ​ធាតុ​អ្វីៗ​សុទ្ធ​តែ​ជា​ប្រជា​ធិប​តេយ្យ​ទាំង​អស់...។[អានបន្ដ..]

   ភាព​អា​ក្រក់​ដែល​បាន​ធ្វើ​មក​ហើយ អ្នក​ណា​ខំ​ប្រឹង​បិទ​ចោល​ដោយ​ទង្វើ​ល្អ​របស់​ខ្លួន (គឺ​ឈប់​ធ្វើ​ទង្វើ​​អាក្រក់​ទៅ​ទៀត​ធ្វើ​ទង្វើ​ល្អ​ជំនួស​វិញ​) អ្នក​នោះ​ឈ្មោះ​ថា​បាន​ធ្វើ​លោក​នេះ អោយ​មាន​ពន្លឺ​ភ្លឺ​ស្វាង ដូច​គ្នានឹង​ដួង​ចន្ទ ដែល​បាន​ចាក​ផុត​ដុំ​​ពពក​​ដូច្នោះ​​ដែរ​។ ដែល​អោយ​ធ្វើ​កំណែ​ភាព​អា​ក្រក់​ដោយ​ភាព​ល្អ, ព្រោះ​ពុទ្ធ​សាស​នា​មាន​គំនិត​ថា​ បើ​យក​ធាតុ​អាក្រក់​មក​កែ​ធាតុ​អាក្រក់ លទ្ធ​ផល​​រិត​តែ​អា​ក្រក់​ឡើង សេច​ក្ដី​ប្រៀប​ដូច​គេ​យក​ទឹក​សំអុយ​ទៅ​លាង​របស់​ក្រ​ខ្វក់​ឬ​​គេ​យក​ទឹក​លាង​កន្ថោរ​ទៅ​គក់​បោក​ខោ​អាវ លទ្ធ​ផល​​គឺ​គគ្រិច​ប្រើ​លែង​កើត​។ ... [អានបន្ដ..]

   ព្រះពុទ្ធសាសនា ជាសាសនាមួយដែលបង្រៀនអោយស្រាយបញ្ហាសាបសូន្យតំលៃសីលធម៌ តែពុំបានមើល​ហួស​រំលង​សេដ្ឋ​កិច្ច​។ បង្រៀន​អោយ​ស្រាយ​សេច​ក្ដី​អា​ក្រក់​ដោយ​សេច​ក្ដី​ល្អ​។ ព្រមគ្នានេះបង្រៀនអោយស្រាយបញ្ហាដែលមានចោតលើ​ខ្លួន​ឯង​ជា​មុន កុំ​រស់​នៅ​ក្នុង​គំនិត​យឺត គំនិត​បណ្តែត​បណ្ដោយ ទុក​ពេល​អោយមនុស្សក្នុងពិភពលោក គេធ្វើសេចក្ដីល្អមុនខ្លួន ហើយខ្លួនសំរេ​ច​ចិត្ដ​ធ្វើ​ទង្វើ​ល្អ​ជា​ចុង​ក្រោយ​បំផុត​។ សូម្បី​បង្រៀន​អោយ​មាន​មេត្ដា​ចិត្ដ ក៏អោយហ្វឹកហាត់ផ្សាយមេត្ដាដល់ខ្លួនឯងមុន ដើម្បីជាសក្ខីភាពថា អាត្មា​អញ​ស្រ​លាញ់​សុខ​ស្អប់​ទុក្ខ​យ៉ាង​ណា ជន​ដទៃ​ក៏​គេ​ស្រ​លាញ់​សុខស្អប់ទុក្ខយ៉ាងនោះដែរ។ ... [អានបន្ដ..]

   តាមធម្មតា មនុស្ស​តែង​ទាម​ទារ​រក​សីល​ធម៌ កាល​បើ​ខ្លួន​បាន​ជួប​ប្រទះ​នូវ​ទង្វើ​ជិះ​ជាន់​ពី​អ្នក​ដទៃ ដូច​ជា​​ត្រូវ​គេ​បៀត​បៀន លួច​ប្លន់​បោក​ប្រាស​គៃ​បន្លំ​ជាដើម ហេតុ​ការណ៍​ដូច​នេះ​កើត​ឡើង​ក្នុងពេល​ណា ការ​អំពាវ​នាវ​ស្រែក​ហៅ​រក​យុត្ដិ​ធម៌ សីល​ធម៌ មនុស្ស​ធម៌ ក៏​គេ​ធ្វើ​ឡើង​ព្រម​គ្នា​ក្នុង​ពេល​នេះ​ដែរ ទោះ​ជា​ខ្លួន​គេ​មិន​ធ្លាប់​ឃើញ​តំលៃ ឬ​ការ​ចាំ​បាច់​នៃ​សីល​ធម៌ នៃ​យុត្ដិ​ធម៌​ នៃ​មនុស្ស​ធម៌ ក្នុង​កាល​មុន​ៗ​ មក​ក៏​ដោយ​។ ក្នុង​សម័យ​មាន​សង្គ្រាម គេ​ធ្លាប់​បាន​លឺ​សំលេង​រអ៊ូ​រទាំ​ទៅ​គ្រប់​ទិស​គ្រប់​ទី​ថា សីល​ធម៌​សាប​សូន្យ​បាត់​អស់​​ហើយ សំលេង​​ប៉បាច់​ប៉ប៉ោច​នេះ​ វា​បាន​រសាត់​អណែ្ដត​ត្រ​សែត​ទៅ​កាន់​ទី​ដែល​មាន​មនុស្ស ដូច​ជា​រាន​លក់​កា​ហ្វេ គុយ​ទាវ បបរ​បាយ ... [អានបន្ដ..]

   នារី​ក្រមុំ​ស្រស់​ស្អាត​ម្នាក់ ខក​ចិត្ដ​ក្នុង​រឿង​ស្នេហា នាង​ស្រលាញ់​គ្នា​ជា​មួយ​គូ​សង្សា តែ​ឳពុក​ម្ដាយ​បាន​លើក​នាង​អោយ​បុរ​វ័យ​ចំណាស់​អ្នក​មាន​ទ្រព្យ​សម្បត្ដិ​ម្នាក់ នាង​រត់​ចោល​រោង​ការ ហើយ​ទៅ​រក​គូ​សង្សា​នាង​វិញ ពេល​ទៅ​ដល់​សង្សា​នាង​កំពុង​រៀប​ការ​នឹង​នារី​ផ្សេង ធ្វើ​​អោយ​​នាង​​ឈឺ​​ចុក​ចាប់​ក្នុង​ទ្រូង​រក​អ្វី​មក​ប្រៀប​ពុំ​បាន រហូត​ប៉ុន​ប៉ង​ធ្វើ​អត្ដ​ឃាត​ខ្លួន​ឯង ដើម្បី​អោយ​បាន​ផុត​ចាក​ទុក្ខ​នេះ​។ នៅ​ពេល​ដែល​នាង​បំរុង​លោត​ទំលាក់​ពី​លើ​ភ្នំ មាន​ភិក្ខុ​សង្ឃ​មួយ​អង្គ​បាន​និមន្ដ​មក​ដល់ ហើយ​បាន​សួរ​សន្ទនា​គ្នា អំពី​បញ្ហា​ទុក្ខ​សោក​របស់​នាង​។ តើ​ការ​ជ្រើស​យក​ការ​សំលាប់​ខ្លួន​អោយ​ផុត​ចាក​ទុក្ខ​របស់​នារី​ក្រមុំ​នេះ បាន​រួច​ផុត​ចាក​ទុក្ខ​មាន​ដែរ​យ៉ាង​ណា​?... [អានបន្ដ..]

   រឿងនិទាន នៅ​ក្នុង​គតិ​លោក ឆ្លុះ​បញ្ចាំង​ពី​ដំណើរ​របៀប​របប នៃ​ការ​រស់​របស់​សង្គម​មនុស្ស​ក្នុង​​គ្រប់​​សម័យ​កាល ព្រោះ «គតិ​លោក» បាន​និយាយ​អំពី​​ការ​ប្រ​ព្រឹត្ដ​ទៅ​របស់​មនុស្ស​។ ពី​សម័យ​មួយ​ទៅ​សម័យ​មួយ មិន​ថា​តែ​សម័យ​បច្ចុប្បន្ន មាន​បច្ចេក​​វិជ្ជា​​ខ្ពង់​ខ្ពស់ (កុំព្យូ​ទ័រ) សម័យ​​ដើម សម័យ​ព្រះ​សម្មា​សម្ពុទ្ធ​ចៅ មាន​មនុស្ស​ត្រាស់​ដឹង ព្រះ​អរ​ហន្ដ​ដ៏​ច្រើន យ៉ាង​ណា​ក៏​ដោយ ក៏​ជៀស​​មិន​​ផុត នៅ​​តែ​​មាន​​មនុស្ស​ល្អ មនុស្ស​អា​ក្រក់ មនុស្ស​ឆោត​ល្ងង់ មនុស្ស​ប្លម បោក​ប្រាស់​គ្នា​ជា​រៀង​រហូត​មក​។ យើង​អាច​សង្កេត​ឃើញ​យ៉ាង​​ជាក់​ស្ដែង​ថា ក្នុង​សម័យ​​ព្រះ​សម្មា​សម្ពុទ្ធ​ក៏​មាន​សង្ឃ​ប្លម ក្នុង​សម័យ​អ្នក​និពន្ធ ក៏​មាន​សង្ឃ ផឹក​ស្រា​អា​វា​សែ បោក​ប្រាស់​អ្នក​ស្រុក អោយ​ជឿ​ភ្លូក​ទឹក​ភ្លូក​ដី សម័យ​​បច្ចុប្បន្ន​មនុស្ស​ម្នាក់​ៗ មាន​ការ​វិវត្ដ​ រៀន​សូត្រ​ចេះ​ដឹង​យ៉ាង​ជ្រៅ​​ជ្រះ ក៏​នៅ​តែ ...​។ [អានបន្ដ..]

អក្សរសិល្ប៍ខ្មែរ គុកនយោបាយ ថ្ងៃសៅរ៍ ទី25.មករា 2014.ម៉ោង 17:31
អក្សរសិល្ប៍ខ្មែរ រឿងចរិតខ្មែរ ថ្ងៃសុក្រ ទី30.សីហា 2013.ម៉ោង 19:42

  លោក​បង​ចេះ​មាន​ចិត្ដ និង​បេះ​ដូង​ឈឺ​ចាប់​ដែរ​ទេ កាល​ដែល​លោក​បង​ឃើញ​ភរិយា ទៅ​ស្និទ្ធ​ស្នាល​ជា​មួយ​ប្រុស​កំលោះ ​ដែល​ធ្វើ​ជា​កូន​របស់​ខ្លួន​បាន​នោះ​​។ ឆ្លង​កាត់​នូវ​ការ​ពិសោធ​នេះ បើ​លោក​បង​មាន​បេះ​ដូង​ឈឺ​ចាប់​អាម៉ាស់​យ៉ាង​ណា លោក​បង​ក៏​គួរ​ទទួល​គិត​ផង​ថា ខ្ញុំ​នេះ​ក៏​មាន​បេះ​ដូង​ឈឺ​ចាប់​ដូច​លោក​បង ឬ​ច្រើន​ជាង​ការ​ឈឺ​ចាប់​របស់​លោក​បង​ទៀត​ផង​។ ទង្វើ​របស់​លោក​បង​ទៅ​លើ​ស្រី​ក្មេង​ៗ អាយុ​ស្រករ​កូន​ស្រី​ខ្លួន​យ៉ាង​ណា​ខ្លះ​នោះ​ លោក​បង​គួរ​តែ​ជ្រាប​ខ្លួន​ឯង​ច្បាស់​ហើយ​។ ខ្ញុំ​មិន​ដែល​ប្រ​ឆាំង​ទេ គឺ​ខ្ញុំ​បាន​រស់​ដោយ​គ្រាំ​គ្រា​ជា​ទី​បំផុត​។ លោក​បង​ក៏​មិន​ធ្លាប់​បាន​ទទួល​ នូវ​ពាក្យ​ដំនៀល​អ្វី​ពី​រូប​ខ្ញុំ​ដែរ គឺ​មាន​តែ​ខ្ញុំ​វិញ​ទេ​ដែល​ជា​ស្រី​ចិត្ដ​កាកី​នោះ!​។
    - ប្រាប់អោយត្រង់មកថា អាក្មេងប្រុសនោះជានរណា? ខ្ញុំដឹងថា ឯងផ្គត់ផ្គង់វាសំបើមណាស់!
    - អ្វីដែលខ្ញុំធ្វើទៅលើគេ គឺក្នុងនាមជាមនុស្សធម៌ស្រោចស្រង់យុវជនកំព្រាម្នាក់ ...[អានសេចក្ដីពិស្ដារបន្ដ..]